ਇੱਕੋ ਗੱਲਬਾਤ ਵੇ

ਦੁਨੀਆ ਦੇ ਸਾਕ ਨੇ ਵੱਖਰੇ ,
ਚੜ੍ਹਦੇ ਦਿਨ ਰਾਤ ਨੇ ਵੱਖਰੇ ,
ਵੱਖਰੇ ਨੇ ਚੰਨ ਤੇ ਤਾਰੇ ,
ਵੱਖਰੀ ਕਾਇਨਾਤ ਵੇ ।
ਪਰ ਤੇਰੀ ਮੇਰੀ ਸੱਜਣਾ ਇੱਕੋ ਗੱਲਬਾਤ ਵੇ ॥
ਤੇਰੀ ਤੇ ਮੇਰੀ ਸੱਜਣਾ ਇੱਕੋ ਗੱਲਬਾਤ ਵੇ ॥

ਰਾਹਾਂ ਦੇ ਵੱਖ ਕਿਨਾਰੇ, ਮੰਜਿਲਾਂ ਤਕ ਰਹਿੰਦੇ ਨੇ ,
ਦੁਨੀਆ ਦੇ ਫ਼ਰਕ ਦਿਲਾਂ ਵਿਚ, ਗੱਲ ਗੱਲ ਤੇ ਪੈਂਦੇ ਨੇ ,
ਆਪਣਾ ਤਾਂ ਪਿਆਰ ਰੂਹਾਨੀ, ਮੈਂ ਸੁਰ ਤੂੰ ਸਾਜ ਵੇ ।
ਤੇਰੀ ਤੇ ਮੇਰੀ ਸੱਜਣਾ ਇੱਕੋ ਗੱਲਬਾਤ ਵੇ ॥

ਰੁੱਤਾਂ ਕਈ ਰੰਗ ਹਜਾਰਾਂ, ਮਹਿਕਾਂ ਦੀ ਮਿਣਤੀ ਨਾ,
ਮੌਸਮ ਦੇ ਵੱਖ ਨਜ਼ਾਰੇ, ਫੁੱਲਾਂ ਦੀ ਗਿਣਤੀ ਨਾ ,
ਸੁਰਗਾਂ ਤੋਂ ਆਈ ਜੋੜੀ, ਬੱਦਲੀ ਬਰਸਾਤ ਵੇ ।
ਤੇਰੀ ਤੇ ਮੇਰੀ ਸੱਜਣਾ ਇੱਕੋ ਗੱਲਬਾਤ ਵੇ ॥

ਜਿਸਮਾਂ ਤੋਂ ਵੱਖ ਨਾ ਹੋਵੇ, ਸਾਹਾਂ ਦੀ ਡੋਰ ਕਦੇ ,
ਤੇਰੇ ਤੋਂ ਬਾਜ ਰਵਿੰਦਰ, ਚਾਹਾਂ ਨਾ ਹੋਰ ਕਦੇ ,
ਪਾਈਏ ਕੋਈ ਪਿਆਰ ਕਹਾਣੀ, ਮੁੱਕੇ ਨਾ ਸਾਥ ਵੇ ।
ਤੇਰੀ ਤੇ ਮੇਰੀ ਸੱਜਣਾ ਇੱਕੋ ਗੱਲਬਾਤ ਵੇ ॥

ਰਵਿੰਦਰ ਜਹਾਂਗੀਰ
28/11/2010